Ойрын өдрүүдэд гадаа цас бороо холилдож ороод, бүүдгэр тэнгэрийн дор нийлээд хэдэн өдөр өнгөрөв бололтой. ГАдаа бүрхэг ч дотор тэнгэр цэлмэж, нар гийхтэй адил сайхан мэдрэмж, оргилуун сэтгэгдэл булиглан байсан нь өчигдөрхөн. Тиймээ, бид чадсан.
Хүнд хамгийн хэрэгтэй 3 зүйл нойр, хүчилтөрөгч, хоол 3 байдаг гэсэн. Миний хувьд хамгийн сайн амралт, бас эрч хүчийг нөхдөг зүйл бол яалт ч үгүй нойр мөн. Өнгөрсөн хугацаанд нойр хугас хонох бүртээ л энэ олимпиад дуусвал сайхан унтана л гэж бодож байлаа.
Санасанаараа сайхан амарч байгаа хэдий ч яагаад ч юм сэтгэл хосон оргиод, гэгэлзэн байгаа нь юуных вэ?
Тэнгэрийн муухайд байна уу? Хүний муухайд байна уу?
Өөрийн толгой дээрх өвсийг хараагүй байж хүний толгой дээрх хялгасыг олж харна гэгчээр шалтгааныг бусадтай холбон ойлгож, өө эрээд байгаа ч юм шиг.
Уг нь бол би өөрөө өөрийгөө контролдож чаддаг нэгэн гэж бодож явсан нь өнөөдөр эргэлзэхэд хүргээд байна. Амжилт, алдар нэр, аав ээжийн сайшаал, зорилгоо биелүүлсэний аз жаргал гээд карьерийн хүсэл биелсэн ч хүн байхын хүсэл намайг шаналгасаар.Үргэлжлэл бий...
No comments:
Post a Comment